«Nienavidžu vas»: bijatłanistka Nadzieja Skardzina emacyjna adreahavała na žorstkaje zatrymańnie brata Domračavaj
12.10.2020 / 14:30
Alimpijskaja čempijonka pa bijatłonie Nadzieja Skardzina vielmi emacyjna adreahavała na žorstkaje zatrymańnie brata Darji Domračavaj Mikity.
«Nienavidžu vas, AMAP! Vy słabaviki, a nie siłaviki! I z kožnym pabitym vy stanoviciesia słabiejšymi, pieratvarajeciesia ŭ nieludziaŭ! Dakładniej, vy ŭžo pieratvarylisia ŭ ich», — napisała Skardzina ŭ storys svajho instahrama.
Nahadajem, Mikitu Domračava vielmi žorstka zatrymali ŭčora ŭ Minsku ŭ rajonie Zybickaj, hety momant trapiŭ na videa. Jon jechaŭ na rovary da mamy, nijakaj simvoliki pry sabie, pa jaho słovach, u jaho nie było. Z RUUS jaho na chutkaj dastavili ŭ balnicu, ranicaj jon źjechaŭ dadomu, admoviŭšysia ad špitalizacyi.