Штаб Ціханоўскай адмаўляе, што ёй паступала прапанова ад уладаў заключыць угоду
15.10.2020 / 19:02
Сьвятлана Ціханоўская
Прэс-сакратарка Ціханоўскай Ганна Красуліна заявіла «Свабодзе»: «Прапановаў ад уладаў заклікаць да спыненьня пратэстаў у абмен на вызваленьне ўсіх палітвязьняў Сьвятлане не паступала. Але калі б і паступілі, яна б адмовілася».
Раней сайт openmedia са спасылкай на крыніцу ў асяродзьдзі лідэра Каардынацыйнай рады паведаміў, што беларускія ўлады нібыта неафіцыйна зьвярталіся да Сьвятланы Ціханоўскай з прапановай выпусьціць на волю ўсіх палітвязьняў, у тым ліку яе мужа Сяргея, калі Сьвятлана і яе калегі па КР зьвернуцца да беларусаў з просьбай спыніць дэманстрацыі пратэсту. Ціханоўская, паводле крыніцы, адхіліла ўгоду са словамі: «Сяргей сам бы мне не дараваў, калі б я так зрабіла!»