У Літве трэці дзень запар рэкордныя больш за 3 тысячы заражэнняў кавідам
11.12.2020 / 18:21
У Літве ўжо трэці раз штодзённы прырост хворых на каранавірус перасек адзнаку ў 3000, паведамляе Літоўскае тэлебачанне.
9-11 снежня ў краіне зарэгістравалі 3125, 3329 і 3067 новых хворых адпаведна, што з'яўляецца самымі высокімі паказчыкамі за ўвесь час эпідэміі.
Колькасць памерлых пацыентаў з каранавірусам 8-10 снежня ўпершыню пачала перавышаць 30.
Адзначым, насельніцтва ўсёй Літвы — 2,8 млн.