Nokia і Google аб'ядналіся з мэтай стварэння інфраструктуры для 5G
Nokia і Google Cloud падпісалі пагадненне аб супрацоўніцтве, якое дазволіць кампаніям прапанаваць шэраг новых сэрвісаў для бізнэсу з прычыны распаўсюджвання тэхналогіі 5G, паведамляе Reuters.
14.01.2021 / 18:22
Тэхналогія 5G дазволіць змяніць працэсы рознічнага гандлю і аўтаматызацыі вытворчасці, бо можа хутка перадаваць вялікія аб'ёмы даных. З павелічэннем пакрыцця 5G у свеце, супрацоўніцтва Nokia з Google дазволіць кампаніям прапаноўваць новыя сэрвісы для бізнэс-кліентаў.
Nokia будзе прадастаўляць уласную экспертызу па тэхналогіі 5G, у той жа час Google Cloud стане платформай для запуску праграм і дапамагаць кліентам у пабудове экасістэмы паслуг.