Меркель запатрабавала «неадкладна і вельмі тэрмінова» вызваліць Навальнага
Канцлер Германіі Ангела Меркель заклікала расійскія ўлады вызваліць палітыка Аляксея Навальнага, піша DW.
21.01.2021 / 17:06
— Вядома, я патрабую неадкладна вызваліць спадара Навальнага. Федэральны ўрад лічыць, што гэта было б правільным. І вельмі тэрмінова, — адказала Меркель на пытанне DW на прэс-канферэнцыі ў Берліне ў аўторак, 21 студзеня.
Аляксей Навальны ў жніўні быў атручаны ў Расіі забароненым баявым атрутным рэчывам з групы «Навічок» і затым перавезены на лячэнне ў Нямеччыну. Пасля курсу рэабілітацыі ён 17 студзеня вярнуўся ў Расію і адразу ж быў затрыманы, а пасля арыштаваны на 30 сутак.