U Navapołacku čałaviek raskidaŭ cviki na darozie prałukašenkaŭskaha aŭtaprabiehu, šeść mašyn prabili koły
Zatrymany žychar Navapołacka, jaki raskidaŭ cviki na prajeznaj častcy, paviedamlaje MUS.
21.01.2021 / 21:44
Ranicaj 14 listapada 2020 hoda ŭ Navapołacku startavaŭ prałukašenkaŭski aŭtaprabieh. Maršrut prachodziŭ praz Vierchniadźvinsk, Miory, Šarkaŭščynu, Hłybokaje i finišavaŭ kala pomnika vyzvalicielam Połacka. Kali transpartnaja kałona prajazdžała kala pasiołka Baravucha-1 Połackaha rajona, u šaści aŭtamabilach prabilisia koły. Paškodžańni stali vynikam najezdu na cviki, jakija byli raskidanyja na prajeznaj častcy.
Pa fakcie chulihanstva śledčyja raspačali kryminalnuju spravu. Ahulny ŭron skłaŭ 100 rubloŭ.
A ŭ studzieni siłaviki znajšli 37-hadovaha padazravanaha z Navapołacka.