Nieviadomyja vyvieźli z Rasii jurysta fondu Navalnaha, biełarusa Uładlena Łasia
Nieviadomyja ludzi ŭ cyvilnym vyvieźli jurysta Fondu baraćby z karupcyjaj Alaksieja Navalnaha Uładlena Łasia na miažu ź Biełarussiu, paśla čaho jon byŭ departavany. Videazvarot Łasia apublikavany na YouTube-kanale štaba palityka Alaksieja Navalnaha.
25.01.2021 / 20:42
«Jany zakavali mianie ŭ kajdanki i nadzieli miašok na hałavu. Pahruzili ŭ mikraaŭtobus, i my kala dziesiaci hadzin jechali ŭ bok Respubliki Biełaruś. Paśla paŭnočy, kali minaŭ termin majho dobraachvotnaha adjezdu z Rasijskaj Fiederacyi, mnie paviedamili, što ja parušyŭ hety termin i ciapier ja departavany», — raspavioŭ Łoś, adznačyŭšy, što ciapier jamu nielha budzie viarnucca ŭ Rasiju ciaham piaci hadoŭ.
Zaraz Łoś znachodzicca ŭ biaśpiecy.
Łoś — hramadzianin Biełarusi, z 2013 hoda jon žyvie ŭ Rasii.