Na ŭvachodzie ŭ minski aeraport usim naviedvalnikam buduć mierać tempieraturu
U Nacyjanalnym aeraporcie zapuścili sistemu ciepłavizijnaha kantrolu, ciapier usim naviedvalnikam u abaviazkovym paradku vymiarajecca tempieratura.
27.01.2021 / 14:13
«Z 28 studzienia ŭ testavym režymie pačynaje pracavać sistema na ŭvachod u aeravakzalny kompleks Nacyjanalnaha aeraporta Minsk», — paviedamlaje «Interfaks».
Pry vyjaŭleńni anamalnaj tempieratury spracoŭvaje sihnał, čałavieku z padvyšanaj tempieraturaj prapanujuć prajści miedycynski ahlad.
U suviazi z novaj sistemaj trapić u aeraport možna tolki praz ŭvachody ŭ siektary prylotu 1-2 (1 pavierch) i siektary vyletu 3-4 (2 pavierch, estakada). Astatnija ŭvachody dla naviedvalnikaŭ začynienyja. Pry hetym na vychad abmiežavańniaŭ niama: terminał možna pakinuć praź luby vychad.