Za sutki ŭ Biełarusi zarehistravanyja 1852 pacyjenty z COVID-19
Ahulnaja kolkaść pacvierdžanych vypadkaŭ karanavirusa ŭ Biełarusi na 30 studzienia skłała 246 570, pryrost chvorych za apošnija sutki — 1 852 čałavieki, paviedamlaje Ministerstva achovy zdaroŭja.
30.01.2021 / 14:25
Usiaho śpiecyjalisty biełaruskich łabaratoryj praviali 4 453 387 testaŭ dla vyjaŭleńnia infiekcyi, u tym liku za apošnija sutki — 18 266 testaŭ.
Ačuniali i vypisanyja z miedustanoŭ 233 499 pacyjentaŭ, u jakich raniej byŭ vyjaŭleny COVID-19. Kolkaść tych, chto spraviŭsia z chvarobaj, skłała 2 100.
Za ŭvieś čas raspaŭsiudžvańnia karanavirusa ŭ krainie pamierli 1 708 pacyjentaŭ z karanavirusam. Za sutki — 10 čałaviek.