Navalnamu prysudzili 2 hady 8 miesiacaŭ kałonii
Alaksieju Navalnamu abviaścili prysud: admianić umoŭny termin i adpravić u kałoniju na 3 hady i 6 miesiacaŭ za parušeńnie vyprabavalnaha terminu pa spravie «Iŭ Raše».
02.02.2021 / 20:23
Navalny pavinien budzie adbyć u kałonii ahulnaha režymu try z pałovaj hady pazbaŭleńnia voli za vylikam terminu, praviedzienaha pad chatnim aryštam (kala 10 miesiacaŭ).
Padčas vyjaznoha pasiadžeńnia, jakoje prajšło ŭ Masharsudzie, pradstaŭnik Fiederalnaj słužby vykanańnia pakarańniaŭ paviedamiŭ, što Navalny bolš za 50 razoŭ parušyŭ praviły vyprabavalnaha terminu, u tym liku nie prychodziŭ na rehistracyju ŭ viedamstva, jak taho patrabavali ŭmovy ŭmoŭnaha pakarańnia. Prakuratura padtrymała pazicyju słužby. Advakaty palityka patrabavali adchilić chadajnictva słužby.
Padčas pracesu ŭ Masharsudzie palicyja zatrymała bolš za 300 čałaviek, jakija pryjšli da budynka suda, kab padtrymać Navalnaha.