Asnoŭnaje za 11 lutaha: łukašenkaŭski schod, sud nad bresckimi błohierami, list Hierasimieni
11.02.2021 / 23:01
Udzielnikaŭ «Usiebiełaruskaha narodnaha schodu» jašče ciamnom pryvieźli ŭ Pałac Respubliki FOTA
Siońnia ŭ Biełarusi pačaŭsia «Usiebiełaruski narodny schod». Udzielnikam jašče ciamnom pryvieźli ŭ Pałac Respubliki. Taksama dziaržaŭnaje ahienctva, jakoje raniej abviaščała, što ŭ schodzie voźmuć udzieł 2700 delehataŭ, ciapier piša pra 2400 delehataŭ. A ličby ŭ 2700 schod maje dasiahnuć «z ulikam zaprošanych».
Doktar ź Pinska admoviŭsia jechać na «Usiebiełaruski schod»: Majoj dumki nichto i nie pytaŭsia
Pinski doktar, jaki raspavioŭ, što staŭ delehatam UNS pa inicyjatyvie miascovaha Savieta deputataŭ, u Minsk tak i nie pajechaŭ.
«Kommiersant'»: Na sustrečy Łukašenki i Pucina moža być abmierkavany novy kredyt $3 miljardy
Rasijskaje vydańnie «Kommiersant'» piša, što na mahčymaj sustrečy Alaksandra Łukašenki i Uładzimira Pucina ŭ Sočy, što maje prajści da kanca lutaha, baki mohuć zakranuć temy novaha rasijskaha kredytu — hetym razam $3 młrd. Pry hetym farsiravać padtrymanuju Maskvoj kanstytucyjnuju reformu i zrezać prezidenckija paŭnamoctvy Łukašenka nie maje namieru.
Svoj dakład na «Usiebiełaruskim narodnym schodzie» Alaksandr Łukašenka pačaŭ z krytyki pieramien i revalucyj
Roŭna ab 11-j hadzinie 11 lutaha Alaksandr Łukašenka asabista adkryŭ «Usiebiełaruski narodny schod».
Ën prapanavaŭ «abrać» prezidyum schodu śpisam, zała družna padtrymała, i členy prezidyuma pad apładyśmienty vyjšli z-za kulis.
Łukašenka ŭ dakładzie zhadaŭ, jak pasadzili na koł Muamara Kadafi i paviesili Sadama Chusejna
Pra heta jon uspomniŭ, vystupajučy z dakładam pierad udzielnikami «Usiebiełaruskaha schodu».
Zakranajučy suśvietnyja padziei, Łukašenka emacyjna zhadaŭ zrynutaha kiraŭnika Livii Muamara Kadafi, jaki, na jaho dumku, chacieŭ aščaślivić Liviju i i inšyja krainy, a jaho «raśpiali i pasadzili na koł».
Zhadaŭ jon i kiraŭnika Iraka Sadama Chusejna: «A vy nie pamiatajecie, jak jaho paviesili?»
Łukašenka Jeŭrasajuzu: «Nie vučycie nas žyć, a dapamažycie materyjalna»
Nie abyšłosia i biez žartaŭ. Kiraŭnicu Jeŭraparłamienta Ursułu fon der Lajen Alaksandr Łukašenka nazvaŭ «Unter den Lajden», ale paabiacaŭ adkazać na jaje zvarot pa pytańni baraćby z pandemijaj kavidu.
«Nie vučycie nas žyć, a dapamažycie materyjalna», — źviarnuŭsia da Jeŭrasajuza Alaksandr Łukašenka. Zała sustreła hetyja słovy śmiecham i apładyśmientami.
«Choć rasstrelvajcie — ja tut stajać nie budu». Błohieraŭ Kabanava i Piatruchina vydalili z suda nad imi ž — REPARTAŽ z zakrytaha pasiadžeńnia
11 lutaha pačaŭsia sud nad bresckimi błohierami Siarhiejem Piatruchinym i Alaksandram Kabanavym. Ale ich sudziać nie ŭ Breście i navat nie ŭ Bresckaj vobłaści. Spravu razhladaje sud Kastryčnickaha rajona Mahilova.
Łukašenka pra falsifikacyi na vybarach: Hubiernatary mahli dapisać pracent-dva
Pra heta jon zajaviŭ padčas vystupu z dakładam pierad delehatami «Usiebiełaruskaha narodnaha schodu».
Hierasimienia napisała adkryty list Łukašenku: Narod vas nienavidzić
«9 lutaha spoŭniłasia paŭhoda z momantu prezidenckich vybaraŭ u Biełarusi, jakija vy, hramadzianin Łukašenka, prajhrali, ale nie znajšli ŭ sabie siły i śmiełaści pryznać parazu i syści z hodnaściu, jak heta pryniata ŭ sporcie», — pačała svoj list spartśmienka.
Łukašenka nazvaŭ umovy sychodu z ułady
«Hałoŭnaja ŭmova — u krainie mir, paradak, nijakich pratesnych dziejańniaŭ, vykazvać mierkavańnie ŭ ramkach zakona. Druhaja ŭmova. Kali składziecca tak, što da ŭłady pryjduć nie «tyja», to druhim punktam zapišam, što nivodny vołas z prychilnikaŭ ciapierašniaha prezidenta ŭpaści nie moža», — skazaŭ Łukašenka.