Змены ў Канстытуцыю падрыхтуе спецыяльная камісія

Змены ў Канстытуцыю Беларусі будуць распрацаваны на працягу гэтага года, для іх падрыхтоўкі будзе створана канстытуцыйная камісія. Пра гэта гаворыцца ў рэзалюцыі, прынятай у пятніцу УНС.

12.02.2021 / 13:43

«У сферы грамадска-палітычнага развіцця ўхваліць прапановы па стварэнні канстытуцыйнай камісіі, у склад якой увойдуць прадстаўнікі дзяржорганаў, юрыдычнай грамадскасці, розных галін эканомікі і сацыяльнай сферы.

Гэтай камісіі ў 2021 годзе распрацаваць прапановы па змене Канстытуцыі Рэспублікі Беларусь для іх наступнага вынясення на ўсенароднае абмеркаванне і рэспубліканскі рэферэндум», — адзначаецца ў рэзалюцыі.