Minzdaroŭja dazvoliła rabić pryščepki «Spadarožnikam» pažyłym ludziam

Rasijskaja vakcyna HamKavidVak (handlovaja marka «Spadarožnik V») uchvalena Minzdaroŭja Biełarusi dla prymianieńnia ludziam, jakim bolš za 60 hadoŭ, paviedamlajecca ŭ telehram-kanale viedamstva.

12.02.2021 / 15:50

Raspracoŭščykam vakcyny — instytutam imia Hamalei — z metaj pašyreńnia ŭzrostavych miežaŭ vykarystańnia preparata dla prafiłaktyki karanavirusa ŭniesieny nieabchodnyja źmieny i dapaŭnieńni ŭ instrukcyju pa ŭžyvańni.

Minzdaroŭja zaznačaje, što dla padrychtoŭki da vakcynacyi pažyłym ludziam budzie prapanavana prajści kompleksny miedahlad — z zachavańniem nieabchodnych supraćepidemičnych mierapryjemstvaŭ.

Raniej kazałasia, što masavaja vakcynacyja nasielnictva pačniecca ŭ krasaviku. U pačatku sakavika pastupić 100 tysiač vakcyn, u kancy sakavika jašče 100 tysiač. Razhladajecca taksama pytańnie pastavak vakcyny z Kitaja.