Andreju Komliku-Jamacinu dali 25 sutak za hirlandu na bałkonie

Pradstaŭnika niezaležnaha prafsajuza REP Andreja Komlika-Jamacina aryštavali na 25 sutak za hirlandu na bałkonie i za admovu adčyniać dźviery ŭ svaju kvateru siłavikam, jakija pryjšli da jaho ź pieratrusam, paviedamlajuć pravaabaroncy.

17.02.2021 / 15:59

Andreja Komlika-Jamacina zatrymali paśla pieratrusu ŭ jahonaj kvatery pa art. 342 KK, što prachodzili pa ŭsioj Biełarusi ŭ pravaabaroncaŭ, aktyvistaŭ, žurnalistaŭ. Viadoma, što taksama pieratrus adbyvaŭsia ŭ jaho baćki Ihara Komlika i ŭ ofisie niezaležnaha prafsajuza REP.

Na Andreja skłali dva administracyjnyja pratakoły: pa art. 23.34 i art 23.4 KaAP. Artykuł za «niepadparadkavańnie» źjaviŭsia paśla taho, jak Ardriej admoviŭsia adčyniać dźviery siłavikam. Taksama na jaho skłali pratakoł za pikietavańnie na ŭłasnym bałkonie: vyviesiŭ sierabrysta-bardovuju hirlandu.

Spravu razhladała suddzia Frunzienskaha rajona Maryja Jarochina. Komlik-Jamacin raspavioŭ, što da jaho pryjšli kala 7 ranicy, ale jon nie adčyniŭ dźviery, tamu što nie viedaŭ, što heta milicyja, tamu siłaviki sami ŭskryli zamok u dźviarach.

Suddzia Jarochina aryštavała Andreja na 25 sutak.