Biełaruś i Rasija padpisali pahadnieńnie ab pieravałcy naftapraduktaŭ

Biełaruś i Rasija padpisali mižuradavaje pahadnieńnie ab arhanizacyi pieravałki bolš za 9,8 młn ton biełaruskich naftapraduktaŭ u rasijskich partach u 2021-2023 hadach, piša TASS.

19.02.2021 / 14:25

Podpisy pad dakumientam pastavili ministr transpartu RF Vital Savieljeŭ i ministr transpartu i kamunikacyj Biełarusi Alaksiej Aŭramienka. Pahadnieńnie budzie dziejničać da 31 śniežnia 2023 hoda z mahčymaściu aŭtamatyčnaha padaŭžeńnia.

Jak paviedamiŭ žurnalistam Savieljeŭ, Biełaruś harantavana pieravalić u 2021 hodzie nie mienš za 2 młn ton naftapraduktaŭ praz party RF, pry hetym mižuradavym pahadnieńniem praduhledžana pieravałka na hety hod 3,5 młn ton.

«Pa našaj damoŭlenaści, na hety hod my vyznačyli 3,5 młn ton, z ulikam taho, što hod užo startavaŭ, kala 2 młn ton my hatovyja pieravieźci razam z biełaruskimi partniorami. Nastupny hod — heta 3,2 młn ton, a 2023 hod — 3,1 młn ton», — adznačyŭ ministr.

Jon padkreśliŭ, što zhodna z pahadnieńniem abjom moža być pavialičany.