У Мінэнерга распавялі, чаму першы блок БелАЭС рэгулярна ўключаюць і выключаюць
Чаму першы энергаблок Астравецкай АЭС рэгулярна выключаюць, а затым зноў уключаюць — адно з самых папулярных пытанняў, распавялі ў Мінэнерга.
10.03.2021 / 17:49
У ведамстве растлумачылі, што першы энергаблок станцыі ўсё яшчэ знаходзіцца на этапе доследна-прамысловай эксплуатацыі, які прадугледжвае паслядоўнае асваенне магутнасці рэактарнай устаноўкі, гэта значыць спачатку энергаблок уключаюць на 75%, затым на 90%, а потым на 100%.
У перыяд уключэння першага энергаблока праводзяцца ўсе неабходныя выпрабаванні, у тым ліку праверка рэжыму адключэння ад сеткі і планавага спынення блока, адсочваюцца паводзіны рэактарнай устаноўкі пры розных сцэнарах і г. д.
У Міністэрстве звяртаюць увагу на тое, што ўсе гэтыя дзеянні ў адпаведнасці з рэгламентам займаюць пэўны час.
Паводле звестак Мінэнерга, з 394 запланаваных выпрабаванняў этапу доследна-прамысловай эксплуатацыі на першым энергаблоку станцыі паспяхова завершаны 259.