«Аватар» зноў стаў самым касавым фільмам
Фільм «Аватар» рэжысёра Джэймса Кэмерана вярнуў сабе тытул самага касавага фільма за ўсю гісторыю кіно пасля паказу ў Кітаі.
15.03.2021 / 17:29
«Аватар» выйшаў у 2009 годзе і ўтрымліваў рэкорд на працягу дзесяці гадоў — да гэтага самым касавым фільмам быў «Тытанік». У 2019 годзе рэкорд пабіў блокбастар Marvel «Мсціўцы: Фінал».
Аднак «Аватар» паказалі ў Кітаі, і агульны аб’ём продажу дасягнуў $2,8 мільярда, што стала новым сусветным рэкордам, піша BBC.
«Аватар» стаў першым замежным фільмам, які сёлета з’явіўся ў кітайскім пракаце.
Цяпер Джэймс Кэмеран працуе над чатырма фільмамі, якія працягнуць гісторыю «Аватара». Прэм’ера другой часткі запланаваная на 2022 год.