У Ганцавіцкім раёне 90-гадовая пенсіянерка ледзь не спаліла дом, прыбіраючы сухую траву
Выпадак адбыўся 15 сакавіка ў вёсцы Будча, піша БелТА.
17.03.2021 / 15:06
90-гадовая жанчына паліла сухую траву каля дома. З-за ветру полымя распаўсюдзілася на сумежны ўчастак. Узнікла пагроза загарання нежылога дома па суседстве.
Пенсіянерка не змагла самастойна патушыць агонь і выклікала ратавальнікаў. Работнікі МНС аператыўна ліквідавалі пажар, а з жанчынай правялі прафілактычную гутарку.