Mer Varšavy: Kali b nie piersanał z Biełarusi, usio daŭno b razvaliłasia
Mer Varšavy Rafał Tšaskoŭski lačyŭsia ad karanavirusa ŭ Pražskaj balnicy, jakaja znachodzicca na alei Salidarnaści ŭ stalicy Polščy. Paśla vypiski jon paviedamiŭ, što pačuvajecca značna lepš, a taksama pachvaliŭ pracu rabotnikaŭ z Biełarusi i Ukrainy.
30.03.2021 / 18:30
Mer Varšavy vykazaŭ padziaku za padtrymku siamji i siabram, a taksama ŭsim rabotnikam Pražskaj balnicy ŭ stalicy Polščy.
Jon źviarnuŭ uvahu na toje, što lekary, miedsiostry i vyratavalnyja bryhady horada pracujuć dniom i nočču, nie škadujučy sił. I dadaŭ, što biez rabotnikaŭ z Biełarusi i Ukrainy ŭsie sproby kantralavać situacyju syšli b na ništo.
«Ja taksama bačyŭ sapraŭdnuju adkrytuju Varšavu ŭ dziejańni — kali b nie piersanał z Ukrainy, Biełarusi… daŭno b usio raźlaciełasia na drobnyja kavałački», — napisaŭ mer polskaj stalicy.