Мінаблсуд пакінуў у сіле прысуд палітвязню Уладзіміру Няронскаму. Яго этапуюць у калонію на тры гады
Аўтара ютуб-канала «Слуцк для жыцця» прызналі вінаватым у закліках да дзеянняў, якія груба парушаюць грамадскі парадак, а таксама ў публічнай абразе старшыні Слуцкага райвыканкама Андрэя Янчэўскага.
06.04.2021 / 11:22
Сёння судовая калегія Мінаблсуда пакінула скаргу Уладзіміра без задавальнення, а прысуд — без змен, паведамляе spring96.org.
Гэта значыць, што цягам некалькіх тыдняў палітвязень будзе этапаваны са следчага ізалятара Жодзіна ў калонію адбываць пакаранне тэрмінам на тры гады.