Купалаўскі тэатр апублікаваў афішу на май. Там ізноў толькі два спектаклі
На сайце Купалаўскага тэатра апублікавалі афішу на май.
12.04.2021 / 12:11
Як і ў сакавіку і красавіку, там два спектаклі: «Паўлінка» і «Вечар».
Прычым у «Вечары» (аўтар — Аляксей Дудараў) занятыя ўсяго тры акцёры.
Нагадаем, што большасць акцёраў Купалаўскага тэатра звольніліся ў жніўні пасля таго, як звольнілі дырэктара Паўла Латушку.
19 лютага будынак Купалаўскага тэатра наведаў Аляксандр Лукашэнка, ён сустрэўся з пазасталымі акцёрамі і паабяцаў падтрымку.
Пастаноўкі на сцэне тэатра былі адноўленыя 3 сакавіка, калі была паказана «Паўлінка». З таго часу ў памяшканні тэатра ідуць усяго два спектаклі: «Паўлінка» і «Вечар».