За абразу Ярмошынай 25-гадовую дзяўчыну пакаралі двума гадамі хатняй хіміі
У судзе Маскоўскага раёна Мінска 15 красавіка вынесены прысуд па крымінальнай справе ў дачыненні да 25-гадовай Аляўціны Корчык, якую вінавацяць па артыкуле 369 КК (абраза прадстаўніка ўлады), паведамляе spring96.org.
15.04.2021 / 15:32
Аляўціна Корчык. Фота з сацсетак
Аляўціна Корчык скончыла журфак БДУ, працуе тэхнічнай пісьменніцай і капірайтарам.
Паведамляецца, што 30 кастрычніка ў тэлеграм-чаце яна пакінула каментар, у якім зневажальна ахарактарызавала старшыню ЦВК
Пракурор на судовым пасяджэнні запрасіў для Аляўціны абмежаванне волі тэрмінам на два гады без накіравання ва ўстанову адкрытага тыпу.
Суддзя Лідзія Цяліца пагадзілася з дзяржабвінавачваннем і вынесла такі прысуд.