«Праходзіць курс рэабілітацыі». Мінздароўя — пра стан пацыента, што падпаліў сябе на плошчы Незалежнасці
«Стан пацыента, які ў студзені здзейсніў самападпал на плошчы Незалежнасці — сярэдняй ступені цяжкасці. Ён знаходзіцца ў Рэспубліканскім апёкавым цэнтры ў БХМД», — паведамляе ведамства ў сваім тэлеграм-канале.
22.04.2021 / 13:17
Паведамляецца, што хірургічнае лячэнне ўжо праведзена ў поўным аб'ёме, а цяпер, у адпаведнасці з пратаколамі лячэння, ён праходзіць курс рэабілітацыі.
Пры першасным аглядзе, у пацыента дыягнаставалі апёкі рознай ступені цяжкасці — да 72 працэнтаў.
Здарэнне адбылося 22 студзеня. У цэнтры Мінска, каля Дома ўрада, 35-гадовы мужчына абліў сябе гаручай вадкасцю і здзейсніў самападпал.