Ukraina pastaviła barjer biełaruskim MAZam
Mižviedamasnaja kamisija Ukrainy pa pytańniach mižnarodnaha handlu ŭviała abmiežavańni na pastaŭku ź Biełarusi hruzavoha, budaŭničaha, pasažyrskaha i śpiecyjalnaha aŭtamabilnaha transpartu, piša «Radyjo Svaboda».
22.04.2021 / 14:28
U pryvatnaści, na ŭvoz hetaj pradukcyi ŭvodzicca myta ŭ pamiery 35 adsotkaŭ ad mytnaj vartaści pastaŭki. Raniej bolšaść vidaŭ hetaha transpartu pastaŭlałasia va Ukrainu ŭvohule biez myta.
Jak paviedamili ŭ Mižviedamasnaj kamisii, novyja praviły handlu nabuduć moc praz 10 dzion. Abmiežavańni ŭvodziacca ŭ adkaz na stvareńnie biełaruskim uradam «štučnych barjeraŭ dla ŭvozu z Ukrainy kołavych transpartnych srodkaŭ i niaroŭnych umoŭ (dla ŭkrainskich subjektaŭ haspadarańnia. — RS) dla ŭdziełu ŭ dziaržaŭnych zakupkach».
Ukrainski bok ličyć hetyja biełaruskija zachady parušeńniem dvuchbakovaha pahadnieńnia ab svabodnym handli.
Pad abmiežavańni va Ukrainie trapili matornyja transpartnyja srodki, pryznačanyja dla pieravozki 10 i bolš čałaviek; dla pieravozak hruzaŭ z poršnievym ruchavikom unutranaha zharańnia ahulnaj masaj, bolšaj za 5 ton, ale nie bolšaj za 20 ton, i ahulnaj masaj aŭtamabila, bolšaj za 20 ton; hruzavyja aŭtamabili dla avaryjnaha ramontu; aŭtakrany; mašyny dla prybirańnia na vulicach i inšyja.