Da zatrymanaha eks-cledčaha Jaŭhiena Juškieviča čacviorty dzień nie puskajuć advakata
Pra heta ŭ sacsietkach paviedamiła jaho dziaŭčyna Valeryja.
23.04.2021 / 10:42
Fota Nadziei Bužan
Valeryja Ejsmant piša, što advakat nie moža patrapić da svajho padabaronnaha z momantu jaho zatrymańnia. Pavodle jaje słoŭ, raniej supracoŭniki ŭ biuro propuskaŭ SIZA KDB paviedamili, što dazvoł ad śledčaha na vizit advakata da hetaha času niama.
Jaŭhien Juškievič pierastaŭ vychodzić na suviaź 19 krasavika. Paźniej jaho advakat Maryja Kolesava-Hudzilina napisała, što jon u SIZA KDB. Pa jaje słovach, svajakam pakazali pastanovu na pieratrus, dzie ŭkazany artykuł 289 KK (akt teraryzmu). Pa miescy žycharstva Juškieviča za hetyja dni dvojčy prajšli pieratrusy.