16-hadovaha padletka, jaki łaviŭ rybu, udaryła tokam. Viertalotam jaho dastavili ŭ Minsk

Zdareńnie adbyłosia 22 krasavika. 16-hadovy chłopiec vudziŭ rybu na bierazie vadajoma pablizu v. Hutaraŭščyna Mścisłaŭskaha rajona, paviedamlaje SK.

23.04.2021 / 14:21

SK

Pry pieramiaščeńni ŭzdoŭž bieraha padletak začapiŭ vudaj vysakavoltny kabiel, u vyniku čaho atrymaŭ elektratraŭmu.

Ad elektryčnaha razradu na im zaharełasia adzieńnie.

Rybaki, jakija byli pobač, dapamahli i vyklikali miedykaŭ. Z apiokami bolš jak 70% cieła junak špitalizavany ŭ Mścisłaŭskuju rajonnuju balnicu.

Minzdaroŭja paviedamiła, što viertalot MNS Mi-8 ź miedycynskim modulem na borcie dastaviŭ chłopca ŭ Respublikanski apiokavy centr BCHMD Minska.

Supravadžajuć pacyjenta supracoŭniki chutkaj miedycynskaj dapamohi Minska. Uličvajučy ciažar paškodžańniaŭ, pryniata rašeńnie ab praciahu lačeńnia padletka na respublikanskim uzroŭni.