Dyrektaram Niaśvižskaha zamka-muzieja pryznačyli byłoha hałoŭnaha redaktara rajonki
Dyrektaram Nacyjanalnaha historyka-kulturnaha muzieja-zapaviednika «Niaśviž» pryznačyli Dźmitryja Jaščanku, paviedamlaje BiełTA.
29.04.2021 / 12:30
Dźmitryj Jaščanka, BiełTA
Raniej Dźmitryj Jaščanka zajmaŭ pasadu hałoŭnaha redaktara haziety «Niaśvižskija naviny». Kalektyvu jaho siońnia pradstaviŭ ministr kultury Anatol Markievič.
Markievič, naprykład, akcentavaŭ uvahu na tym, što ŭ «ramkach mierapryjemstvaŭ pa patryjatyčnym vychavańni moładzi i ŭmacavańni biełaruskaj dziaržaŭnaści pierad kalektyvam ustanovy pastaŭleny surjoznyja zadačy pa dalejšym raźvićci abjektaŭ muzieja-zapaviednika, stvareńni novych ekspazicyj, realizacyi novych prajektaŭ, raźvićci turystyčnaha patencyjału».
Šmathadovy dyrektar zamka-muzieja ŭ Niaśvižy Siarhiej Klimaŭ byŭ zvolnieny ŭ śniežni.
«Pa-sabačy, ciškom mianie zvalniali, nibyta niešta skraŭšy, aby nichto nie daviedaŭsia, — kazaŭ «Našaj Nivie» Klimaŭ. — Pazvaniŭ šarahovy supracoŭnik Ministerstva kultury i skazaŭ, što ministr prapanavaŭ mnie napisać zajavu na zvalnieńnie».