Brytanija nakiroŭvaje fłot da vostrava Džersi, kab abaranić ad francuzskaj błakady
Brytanija nakiravała da vyspy Džersi ŭ pralivie Ła-Manš vajskovy karabiel HMS Severn z-za sprečki z Francyjaj ab pravach na rybactva i mahčymaj błakady vostrava francuzskimi rybakami, piša VVS.
06.05.2021 / 14:22
Sprečka ŭźnikła z-za novych licenzij na vyłoŭlivańnie ryby, jakija ŭłady vostrava ŭvodziać u hetaj akvatoryi paśla vychadu Brytanii ź Jeŭrasajuza.
Džersi — adzin z Narmandskich astravoŭ płoščaj 118 kv. km niedaloka ad uźbiarežža Narmandyi. Farmalna jon nie ŭvachodzić u skład Vialikabrytanii, ale tut dziejničaje brytanskaja jurysdykcyja («karonnaje vałodańnie»).
U toj ža čas Francyja zabiaśpiečvaje amal usie patreby Džersi ŭ elektryčnaści i ciapier pahražaje adklučyć vostraŭ ad elektrazabieśpiačeńnia.
Francuzskija rybaki ličać ŭviadzieńnie novych licenzij niespraviadlivym i pahražajuć zabłakavać Sent-Hielijer — klučavy port na vostravie.
Brytanskija ŭłady vyrašyli dasłać u hety rajon vartavy karabiel HMS Severn, kab «nazirać za situacyjaj».
Taksama ŭ brytanskim Ministerstvie abarony anansavali, što da jaho nieŭzabavie dałučycca jašče adzin vajenny karabiel padobnaha kłasu HMS Tamar.
Napiaredadni brytanski premjer-ministr Borys Džonsan vykazaŭ «niepachisnuju padtrymku» Džersi, raźmieščanaha za 22 km ad Francyi. Jon dadaŭ, što «lubaja błakada» budzie «absalutna nieapraŭdanaj».
A kiraŭnik rybackaj haliny Narmandyi Dzimitry Rahof zapeŭniŭ, što francuzskija rybaki na samaj spravie nie buduć błakavać port i ŭviečary viernucca ŭ Francyju, pieradaje AFP.
U toj ža čas jany płanujuć pravieści mirny pratest.