U Halšanach adkryli adnoŭlenuju viežu zamka FOTY
Zamak, jaki natchniŭ Karatkieviča, stajaŭ u ruinach amal 150 hadoŭ.
07.05.2021 / 14:39
6 maja adbyłosia ŭračystaje adkryćcio Paŭnočnaj viežy Halšanskaha zamka i turystyčna-infarmacyjnaha centra pry im. «Padzieja, bieź pierabolšvańnia, znakavaja, — napisaŭ u fejsbuku restaŭratar Ihar Čarniaŭski. — Nie viedaju, jak chto, a ja jaje čakaŭ krychu bolš za sorak hadoŭ, z daždžlivaha i chałodnaha vieraśnia 1980-ha, kali my razam z kalehami pa Navukova-daśledčym prajektnym biuro śpiecyjalizavanych navukova-restaŭracyjnych vytvorčych majsterniaŭ pry Minkultury BSSR praviali papiarednija raboty na zamku… U toj čas byli tolki mary pra budučyniu słavutaha zamka. Ale dobra, što, jak bačym, mary materyjalizujucca. Škada, praŭda, što ŭ hetyja chvalujučyja chviliny kala zamka małavata było tych, dziakujučy majsterstvu čyich ruk heta padzieja adbyłasia, a tyja niamnohija, chto ŭsio ž, vypadkova ci nie, prysutničali, ścipła tulilisia z tyłu ŭzrušanaha natoŭpu».