Фінал Лігі чэмпіёнаў перанеслі са Стамбула
УЕФА абвясціў пра змену месца правядзення фіналу Лігі чэмпіёнаў гэтага сезона. Гульня павінна прайсці ўжо праз два тыдні, 29 мая.
13.05.2021 / 14:02
Матч пройдзе ў Порту на стадыёне «Драгаў». Першапачаткова гульня павінна была адбыцца ў Стамбуле.
Матч дазволяць наведаць 6 тысячам заўзятараў ад кожнай каманды-удзельніцы фіналу — «Чэлсі» і «Манчэстэр Сіці». Акрамя таго, частка білетаў паступіць у свабодны продаж.
Фінал перанеслі з Турцыі з-за таго, што краіна трапіла ў «чырвоны спіс» Вялікабрытаніі — усе прыбылыя з Турцыі павінны былі б прайсці каранцін.
Цікава, што англійскія клубы прапаноўвалі наогул перанесці матч у Вялікабрытанію, напрыклад згуляць у Бірмінгеме, які знаходзіцца паміж Манчэстэрам і Лонданам.