Mikołu Statkieviča etapavali ŭ Homiel, rychtujecca sud

20 maja Mikołu Statkieviča etapavali ŭ Homiel. Jak vykazała mierkavańnie jahonaja žonka Maryna Adamovič, imavierna, z Žodzina «vyvieźli ŭsich» — i Siarhieja Cichanoŭskaha, i Ihara Łosika, jakija razam prachodziać u adnoj kryminalnaj spravie.

20.05.2021 / 15:10

Fota Nadziei Bužan

«Mikołu etapavali ŭ Homiel. Dziela taho, kab vyśvietlić heta, pryjšłosia jechać u Žodzina. Dumaju, adtul vyvieźli ŭsich, prynamsi pra Ihara Łosika viedaju dakładna. Nu, moža, choć tak paznajomiacca jašče da «suda», jaki budzie razhladać ich «supolnaje złačynstva», — padsumavała Maryna Adamovič.

Mikołu Statkieviča zatrymali 31 traŭnia 2020 hoda pa darozie na Kamaroŭski rynak u Minsku, dzie jon źbiraŭsia naviedać pieradvybarčy pikiet Śviatłany Cichanoŭskaj. Jaho asudzili na 15 sutak, adnak śledam prajšoŭ jašče adzin sud, jaki dadaŭ anałahičny termin aryštu.

Adnak paśla miesiaca aryštu na volu jon tak i nie vyjšaŭ — jamu inkryminavali «ździajśnieńnie złačynstva pavodle č. 1 art. 342 Kryminalnaha kodeksa (arhanizacyja ci ŭdzieł u hrupavych dziejańniach, jakija hruba parušajuć hramadski paradak»). 15 śniežnia palityku prad’iavili novaje abvinavačvańnie pavodle p. 13 č. 2 art. 293 Kryminalnaha kodeksa — padrychtoŭka da ŭdziełu ŭ masavych biesparadkach, nahadvaje Radyjo Svaboda.