MZS Aŭstryi zaklikaŭ da rasśledavańnia incydentu z pasadkaj Ryanair u Minsku
U viedamstvie taksama zapatrabavali nieadkładnaha vyzvaleńnia aktyvista Ramana Pratasieviča.
23.05.2021 / 18:25
MZS Aŭstryi zaklikaŭ pravieści niezaležnaje mižnarodnaje rasśledavańnie incydentu z pasadkaj samalota kampanii Ryanair u Minsku. Jak zajavili ŭ niadzielu ŭ aŭstryjskim zamiežnapalityčnym viedamstvie, aktyvist Raman Pratasievič, jaki znachodziŭsia na borcie łajniera i zatrymany biełaruskimi siłavikami, pavinien być vyzvaleny.
«Tryvožnyja paviedamleńni ab tym, što samalot Ryanair byŭ nakiravany ŭ Minsk. Usim pasažyram pavinna być dazvolena praciahnuć padarožža, i nam treba niezaležnaje mižnarodnaje rasśledavańnie hetaha incydentu. Terminova patrabujem vyzvaleńnia aktyvista Ramana Pratasieviča», — havorycca ŭ zajavie aŭstryjskaha MZS u Twitter.
Taksama stała viadoma, što MZS FRH zapatrabavaŭ ad Minska nieadkładnaha tłumačeńnia situacyi vakoł rejsa i zatrymańnia žurnalista.