Трох палітвязняў з «мазырскай справы» вызвалілі з СІЗА
Палітвязняў-фігурантаў «мазырскай справы» па жнівеньскіх падзеях вызвалілі пад падпіску аб нявыездзе.
27.05.2021 / 14:31
Гэта Вадзім Свінтэцкі, Сяргей Гадыеў, Уладзімір Панфіленка, паведамляюць праваабаронцы.
Аднак яны застаюцца падазраванымі па гэтай крымінальнай справе.
5 мая прэс-служба МУС паведаміла пра затрыманне 11 чалавек, 10 з якіх, па версіі сілавікоў, бралі ўдзел у масавых беспарадках у жніўні 2020 года. Хлопцаў затрымлівалі супрацоўнікі ГУБАЗіКа і САХРа.
Па версіі МУС, 10 затрыманых з’яўляюцца ўдзельнікамі «каляфутбольнай групоўкі праварадыкальнай накіраванасці» і затрыманыя 11 жніўня «выкарыстоўвалі супраць міліцыянтаў газавыя балончыкі, кідалі ў іх камяні». Хлопцам выстаўлена абвінавачванне па арт. 342 КК.