У Пакістане заблакуюць тэлефоны тым, хто адмовіўся вакцынавацца
Пакістанская правінцыя Пенджаб заявіла, што будзе блакаваць мабільныя тэлефоны людзей, якія адмовіліся прайсці вакцынацыю супраць COVID-19, піша AFP.
12.06.2021 / 08:58
Дзяржаўнае агенцтва сувязі будзе вырашаць, як рэалізаваць гэтыя меры.
Як адзначаецца, гэта адбылося пасля таго, як правінцыя Сінд заявіла, што дзяржслужачыя, якія адмаўляюцца ад вакцынацыі, не будуць атрымліваць зарплату з ліпеня.
Апошнія тыдні маштабы вакцынацыі ў Пакістане павялічыліся, і ў асноўным штодня ўводзіцца больш за 200 тысяч доз, але гэта складае толькі невялікую частку ад 220 млн насельніцтва. Зрабілі амаль 10,5 млн прышчэпак.