Biełarusy va Ukrainie pratestavali na miažy
Na miažy Ukrainy ź Biełarussiu prachodziać akcyi pratestu suprać biełaruskich uładaŭ. Ich zładzili na punktach propusku «Novyja Jaryłavičy» i «Damanava». Pra heta ŭ kamientary RBK-Ukraїna raspavioŭ śpikier Dziaržaŭnaj pamiežnaj słužby Ukrainy Andrej Dziemčanka.
12.06.2021 / 18:46
«Kala dvuch punktaŭ propusku na miažy ź Biełarussiu znachodziacca niaznačnyja hrupy ludziej — na punkcie propusku «Novyja Jaryłavičy» kala 40 čałaviek i «Damanava» kala 10 čałaviek. Jany vykazvajuć pratest suprać biełaruskaha režymu, pavodziać siabie jany mirna, nijakich pravakacyj nie ažyćciaŭlajuć i ruch transpartu nie błakujuć», — adznačyŭ Dziemčanka.
«Nami było arhanizavana supracoŭnictva z supracoŭnikami palicyi. Na dadzieny momant udzielniki akcyi nie stvarajuć pieraškod dla ruchu, pavodziać siabie jany mirna», — dadaŭ Dziemčanka.
Jon taksama vykazaŭ nadzieju, što jany nie buduć sprabavać pierakryć ruch, pakolki ŭ takim vypadku supracoŭniki palicyi mohuć pryciahnuć ich da adkaznaści.
Akcyi arhanizavała «Narodnaje antykryzisnaje ŭpraŭleńnie», jakoje kaardynuje Pavieł Łatuška.