Беларускі выйгралі срэбра на ЧЕ па мастацкай гімнастыцы
Беларускія грацыі выйгралі срэбра ў камандным заліку чэмпіянату Еўропы па мастацкай гімнастыцы, які праходзіць у Варне (Балгарыя), паведамляе БелТА.
13.06.2021 / 09:57
Золата выйгралі расіянкі, а бронза адышла ізраільскім спартсменкам. У камандным першынстве ўлічваюцца вынікі групавога і індывідуальнага турніраў.
Зборная Беларусі ў групавых практыкаваннях заняла 4-е месца ў праграме мнагабор'я з выніковай ацэнкай 86,550 бала. Тройку наймацнейшых склалі каманды Расіі (90,250 бала), Італіі (87,450) і Ізраіля (87,400).
У асабістым мнагабор'і Настасся Салас заняла 5-е месца, а Аліна Гарноська завяршыла кантынентальны форум на 6-м месцы.