U Łuninieckim rajonie ździejśniŭ avaryjnuju pasadku viertalot MNS. Jon atrymaŭ miechaničnyja paškodžańni
U 14:25 pry vykanańni rabot pa avijacyjnym patrulavańni lasoŭ kala vioski Čarabasava Łuninieckaha rajona ździejśniŭ avaryjnuju pasadku viertalot Mi-2 avijacyi MNS Biełarusi.
27.06.2021 / 15:30
Ilustracyjnaje fota
Pra heta paviedamlaje viedamstva u svaim telehram-kanale.
Kamandzir pavietranaha sudna i lotčyk-naziralnik samastojna pakinuli viertalot. Pavodle papiaredniaj infarmacyi, jany nie paciarpieli, adnak buduć ahledžanyja miedykami.
Viertalot atrymaŭ miechaničnyja paškodžańni.