Meryja Maskvy vydała žycharam horada ŭžo 2,5 miljona QR-kodaŭ
Amal 2,5 miljona čałaviek u Maskvie atrymali za try dni QR-kody dla naviedvańnia kafe i restaranaŭ, paviedamlaje meduza.io sa spasyłkaj na apieratyŭny štab horada pa baraćbie z karanavirusam.
28.06.2021 / 16:32
U červieni ŭ Rasii pačaŭsia ŭsplosk zachvorvańnia na karanavirus, vyklikany štamam Delta. Maskva znachodzicca na pieršym miescy pa kolkaści zachvarełych. Pa stanie na 28 červienia ŭ horadzie vyjavili 1 346 183 vypadki zaražeńnia, vyzdaravieŭ 1 148 291 čałaviek, pamierli 22 210 čałaviek.
Z-za novaj uspyški kavidu ŭ Maskvie ŭstanovam hramadskaha charčavańnia zabaroniena z 23:00 da 06:00 absłuhoŭvać naviedvalnikaŭ u zale, mahčymy tolki handal na vynas. Praca fudkortaŭ u handlovych centrach časova prypynienaja.
Z 28 červienia dla prachodu va ŭsie ŭstanovy hramadskaha charčavańnia Maskvy nieabchodny QR-kod, jaki paćviardžaje, što naviedvalnik vakcynavany ci nie raniej čym paŭhoda tamu chvareŭ na kavid, źviestki pra što zanieśli ŭ Dziaržaŭny rejestr. Astatnim naviedvalnikam treba budzie pradjaŭlać vyniki PŁR-testu.