Biełaruski startap-chab Imaguru paśla zakryćcia ofisa ŭ Minsku adkryŭ štab-kvateru ŭ Madrydzie
Startap-chab Imaguru adkryŭ štab-kvateru ŭ Madrydzie. Pra heta napisana na staroncy chabu ŭ fejsbuku.
06.07.2021 / 14:22
«Praz dva miesiacy z momantu, jak startap-chab pazbavili pamiaškańnia ŭ Minsku, śpiecyjalisty praviali anłajn dema-dzień aksieleratara TechMinsk, zapuścili adukacyjnuju prahramu dla startapaŭ na rańniaj stadyi Imaguru Startup Lab, jakuju skončyli kala 20 biełaruskich startapaŭ, i praviali 3 chakatony. Taksama Imaguru ŭdzielničaŭ u startap-kanfierencyi Startup Fair u Litvie i zaklučyŭ partniorskaje pahadnieńnie z Google for startups», — havorycca ŭ paviedamleńni.
Miarkujecca, što ŭ najbližejšy čas chaby źjaviacca ŭ inšych jeŭrapiejskich haradach, u pryvatnaści ŭ Vilni.
Imaguru pačaŭ pracu ŭ 2013 hodzie. Heta byŭ pieršy ŭ Biełarusi kłub dla maładych inavacyjnych kampanij. Za vosiem hadoŭ dziakujučy Imaguru źjaviłasia bolš za 300 startapaŭ, jakija stvaryli bolš za 3,5 tysiačy pracoŭnych miescaŭ.