MAK zrabiŭ zajavu pa situacyi ź Cimanoŭskaj: Kryścina skazała nam, što pačuvajecca ŭ biaśpiecy
Mižnarodny alimpijski kamitet (MAK) u tvitary apublikavaŭ zajavu ab situacyi ź biełaruskaj lohkaatletkaj Kryścinaj Cimanoŭskaj.
01.08.2021 / 21:01
«Siońnia viečaram MAK i arhanizatary Alimpijady ŭ Tokia niepasredna razmaŭlali z Kryścinaj Cimanoŭskaj, — havorycca ŭ paviedamleńni. —
Zaraz jana razam z pradstaŭnikami ŭłady znachodzicca ŭ aeraporcie Chaneda ŭ supravadžeńni pradstaŭnika piersanału Tokia-2020. Jana skazała nam, što pačuvajecca ŭ biaśpiecy. MAK i Tokia-2020 praciahnuć kamunikavać z Kryścinaj Cimanoŭskaj i ŭładami, kab vyznačyć dalejšyja kroki».
Raniej Kryścina Cimanoŭskaja paprasiła MAK ab dapamozie. Jana zajaviła, što jaje prymušajuć viarnucca na radzimu bieź jaje zhody.