Za padpał čatyroch «Tabakierak» doktara z Baraŭlanaŭ asudzili na dva hady kałonii

53-hadovaha doktara Śviatasłava Udota asudzili na 2 hady kałonii ahulnaha režymu.

02.08.2021 / 11:17

U kancy krasavika jaho zatrymali za rasklejku nalepak z frazaj «Biełarusam — vola, pacuku — padvał» na prypynku ŭ Baraŭlanach i aryštavali na 15 sutak.

Nieŭzabavie suprać doktara raspačali kryminalnuju spravu, abvinavaciŭšy ŭ padpale čatyroch «Tabakierak» i raźbitym aknie ŭ adnoj ź ich, paviedamlajuć pravaabaroncy.

Na sudzie mužčyna rastłumačyŭ svaje dziejańni tym, što jon jak doktar vystupaje za zdarovy ład žyćcia i zdarovuju nacyju, tamu chacieŭ, kab usie «Tabakierki», jakija jość u Baraŭlanach (čatyry štuki), spynili svaju pracu.