Estafietu 4ch400 mietraŭ pabiažyć Elvira Hierman. Jaje dystancyja — spryntarski bieh z barjerami
Udzieł u estafiecie, praź jakuju zdaryŭsia skandał z Kryścinaj Cimanoŭskaj, voźmie Elvira Hierman.
03.08.2021 / 14:25
Elvira Hierman
«Ja nie budu admaŭlacca ad estafiety. Pavažaju dziaŭčatak, jany da jaje rychtavalisia, adabralisia siudy i zasłužyli šaniec prabiehčysia na Alimpijskim stadyjonie», — cytuje spartśmienku telehram-kanał viedamstva Minsportu.
Kvalifikacyjny zabieh pavinien prajści ŭ čacvier.
Nahadajem. što dźvie dziaŭčyny — Hanna Michajłava i Kryścina Mularčyk — akazalisia nie dapuščanyja da Alimpijadu z-za niedachopu dopinh-testaŭ.
Razam z Hierman estafietu 4×400 m pabiahuć Jułija Bliźniuk, Asteryja Limaj i Alaksandra Chilmanovič.
Asnoŭnaja śpiecyjalizacyja Hierman — spryntarski bieh z barjerami. U paŭfinalnym zabiehu na 100 mietraŭ Elvira Hierman zaniała piataje miesca z vynikam 12,71 siekundy i nie zmahła prabicca ŭ finał.