Milicyja stralała ŭ žychara Čavusaŭ. Kažuć, jon pahražaŭ siakieraj miascovym žycharam
Incydent zdaryŭsia 10 žniŭnia. U milicyju pazvanili ludzi, jakija raspaviali, što kala damoŭ biehaje pjany mužčyna ź siakieraj. Pres-sakratar MUS kaža, što złamyśnika spačatku sprabavali supakoić, uhavorvali vykinuć siakieru. Ale toj admaŭlaŭsia.
11.08.2021 / 13:12
Tady milicyjaniery akružyli mužčynu, niekalki razoŭ strelnuli ŭ pavietra, śćviardžaje pres-sakratar MUS, ale debašyr nie supakojvaŭsia, tamu siłaviki vystralili ŭ jaho.
Jak stała viadoma «Našaj nivie», mužčynu zavuć Anton Hałubcoŭ, jamu 34 hady. Mužčyna žyvie ŭ Čavusach. Žanaty, jość dzieci, raniej byŭ sudzimy.
Pa słovach brata, Anton žyvy, u balnicy. Zaviedziena kryminalnaja sprava — za hvałt u adnosinach da siłavikoŭ.