Ваўчаня забегла ў двор у Івацэвіцкім раёне. Яго забілі

Здарэнне адбылося ў вёсцы Галенчыцы. На досвітку ваўчаня зайшло ў двор і палезла ў птушнік.

15.09.2021 / 14:16

Ілюстрацыйнае фота

Гаспадар спачатку прыняў звера за сабаку. Ён схапіў інструмент, што трапіў пад руку, і стаў праганяць жывёлу. Толькі праз час вясковец зразумеў, хто забег да яго на падворак. Ваўчаня забілі.

Мужчына паведаміў ветэрынарам. Спецыялісты мяркуюць, што, хутчэй за ўсё, малады звер адбіўся ад зграі і прыйшоў у вёску па неспрактыкаванасці ў пошуках пражытку. Тым не менш у вёсцы правялі прафілактычную вакцынацыю катоў і сабак супраць шаленства.