Na sud nad palitźniavolenym byłym śledčym Jahoram Viaršyninym pryviali ŭ jakaści śviedki źniavolenaha Jaŭhiena Juškieviča
08.10.2021 / 15:12
Viaršynina abvinavačvajuć u dziejańniach, jakija hruba parušajuć hramadski paradak — va ŭdziele ŭ Maršach 23 i 30 žniŭnia ŭ Minsku. Jahor viny nie pryznaŭ, paviedamlajuć pravaabaroncy.
U jakaści śviedki na sud u kajdankach za śpinaj pryviali byłoho śledčaha Jaŭhiena Juškieviča, jakoha ŭtrymlivajuć u SIZA na Vaładarskaha i vinavaciać u teraryźmie.
Juškieviča dapytvajuć pa hetaj spravie, tamu što, pa abvinavačvańni, Viaršynin braŭ udzieł u Maršach mienavita ź im — svaim lepšym siabram.
Z pakazańniaŭ Jaŭhiena stała viadoma, što, akramia art. 289 KK, jamu vystavili abvinavačvańnie pa art. 342 KK za ŭdzieł u Maršy 16 žniŭnia. Pa masavych mierapryjemstvach 23 i 30 žniŭnia jon prachodzić u jakaści śviedki.
Jahor Viaršynin bolš za 6 hadoŭ adpracavaŭ u Śledčym kamitecie.