Rekordnaja kantrabanda. Na miažy Litvy zatrymany kantrabandny hruz cyharet amal na 3 młn jeŭra
Mytniki pasta Łavaryškies, ahledzieŭšy hruzavik ź Biełarusi, 5 kastryčnika vyjavili ŭ im, pavodle papiarednich źviestak, kala 750 tysiač pačkaŭ cyharet.
09.10.2021 / 15:33
Hruzavy aŭtamabil Man, jaki prybyŭ ź Biełarusi, mytniki pravieryli z dapamohaj renthienaŭskaj sistemy kantrolu. Słužbovyja asoby padazravali, što aŭtamabil moh pieravozić kantrabandu, piša Delfi.lt.
Kali dźviery adčynilisia, mytniki ŭbačyli ŭ zadniaj častcy paŭpryčepa vielizarnyja miaški z draŭnianymi hranułami. Nieŭzabavie ŭ tych ža miaškach byli vyjaŭlenyja pački cyharet.
Pavodle papiarednich źviestak, u hruzaviku pieravoziłasia kala 1500 karobak (750 tysiač pačkaŭ) biełaruskich cyharet Fest, košt jakich z ulikam padatkaŭ składaje 2,737 młn. jeŭra.
Hruzavik i kantrabanda zatrymanyja.
Heta adzin z najbujniejšych hruzaŭ kantrabandy na litoŭskaj mytni sioleta.