Skarhu na aryšt žurnalista Hienadzia Mažejki adchilili. Jon zastaniecca za kratami

Sud u Minsku čakana adchiliŭ skarhu na aryšt žurnalista «Kamsamolskaj praŭdy ŭ Biełarusi» Hienadzia Mažejki. Jon zastaniecca za kratami.

13.10.2021 / 14:12

Biełaruskamu žurnalistu Mažejku vystavili abvinavačvańnie pa dvuch artykułach Kryminalnaha kodeksa Biełarusi: art. 130 KK RB (raspalvańnie sacyjalnaj varožaści abo varožaści) i art. 369 KK RB (abraza pradstaŭnika ŭłady). 

Sud Partyzanskaha rajona Minska 13 kastryčnika razhledzieŭ i adchiliŭ skarhu na abrańnie miery strymańnia ŭ vyhladzie zaklučeńnia pad vartu žurnalista. 

Žurnalista zatrymali 1 kastryčnika. Padstavaj dla zatrymańnia stała jaho natatka na sajcie kp.by, apublikavanaja viečaram 28 vieraśnia. U joj adnakłaśnica prahramista Andreja Zielcera, jaki zabiŭ supracoŭnika KDB Dźmitryja Fiedasiuka, stanoŭča acharaktaryzavała jaho.

Na nastupny dzień sajt kp.by byŭ zabłakavany.

A jašče praź niekalki dzion było pryniata rašeńnie pra zakryćcio biełaruskaj redakcyi «Kamsamołki».

Fatohraf, zachaplajecca technałohijami i aŭto — kalehi pra zatrymanaha žurnalista «Kamsamołki» Hienadzia Mažejku

Što rasijskija ŚMI pišuć ab zakryćci «Kamsamołki» ŭ Biełarusi

Nashaniva.com