U palitźniavolenaj Natałli Chierše pačali vypadać vałasy

U palitźniavolenaj Natałli Chierše zjaviłasia prablema, źviazanaja sa zdaroŭjem. U jaje pačali vypadać vałasy: chutka i ŭ vialikaj kolkaści, ale patrebnyja leki pieradać pakul niemahčyma. Pra heta pravaabaroncam raspavioŭ brat Natałli Hienadź Kaśian.

20.10.2021 / 19:38

U Natałli Chierše adbyŭsia harmanalny zboj. Jašče ŭ Šviejcaryi doktar Natałli pryznačyŭ joj dziela hetaha śpiecyjalny preparat. Ale lekarka mahiloŭskaj turmy (dzie zaraz adbyvaje pakarańnie Natałla) nie paličyła patrebnym pryznačyć joj hety ž preparat. Chacia Natałla Chierše jaje vielmi pra heta prasiła, adznačaje Hienadź. Tamu hety preparat pieradać dla Natałli ŭ turmu pakul niemahčyma.

Raniej Natałla Chierše prymała hety harmanalny preparat padčas svajho žyćcia ŭ Šviejcaryi. Zaraz jana źviazvaje pryčynu vypadzieńnia vałasoŭ z adsutnaściu pryjomu hetych harmonaŭ. Jak adznačaje jaje brat, praces vypadzieńnia vałasoŭ paskoryŭsia ciaham apošnich dvuch miesiacaŭ.

Taksama siońnia, 20 kastryčnika, u Natałli Chierše dzień narodzinaŭ — joj spaŭniajecca 52 hady. Hienadź Kaśian zaklikaje ŭsich dasyłać Natałli vinšavańni. Adras: Turma № 4, 212011, h. Mahiloŭ, vuł. Krupskaj, 99A.

7 śniežnia 2020 hoda Natałlu Chierše asudzili da dvuch z pałovaj hadoŭ kałonii pa artykule 363 Kryminalnaha kodeksa (supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak). 27 vieraśnia jaje z homielskaj kałonii pieraviali ŭ mahiloŭskuju turmu №4. Chierše maje padvojnaje hramadzianstva — Biełarusi i Šviejcaryi.