У Магілёве паранілі нажом медсястру адной з паліклінік. Нападнікам аказаўся муж
20 кастрычніка ў магілёўскай паліклініцы па вуліцы Крупскай мужчына кідаўся з нажом на жанчыну. На месца прыбылі некалькі экіпажаў Дэпартамента аховы.
21.10.2021 / 20:16
Мужчыну затрымалі. Высветлілася, у стане алкагольнага ап'янення ён паспеў нанесці тры ўдары нажом 46-гадовай медработніцы.
47-гадовы нападнік з'яўляецца мужам пацярпелай, аднак разам яны не пражываюць. Паводле папярэдняй інфармацыі, прычынай злачынства стала рэўнасць.
Распачатая крымінальная справа за замах на забойства.