Hałoŭny infiekcyjanist Minska: Adziny šlach spynić pandemiju — vakcynacyja, inšaha šlachu niama
Spynić pandemiju COVID-19 možna tolki šlacham farmiravańnia kalektyŭnaha imunitetu. Takoje mierkavańnie vykazaŭ hałoŭny infiekcyjanist stalicy Śviatasłaŭ Vielhin na «Radyjo-Minsk».
22.10.2021 / 18:01
— Z dośviedu inšych krain možna skazać: z uvodam žorstkich antykavidnych abmiežavańniaŭ zachvorvańnie, naturalna, źnižałasia, — adznačyŭ Vielhin. — Ale łakdaŭn nie moža praciahvacca biaskonca. I jak tolki asłablajuć lejcy, usio viartajecca. Tamu adziny šlach spynić pandemiju — heta stvareńnie imunnaj prasłojki. Da prychodu «delta»-štama kazali pra toje, što pry vakcynacyi 60% nasielnictva my budziem abaronieny — sfarmirujecca papulacyjny imunitet. Ciapier treba ŭžo 70-80% nasielnictva pryščapić. Tamu treba hetyja ličby dasiahać. Inšaha šlachu niama.